Eric Abidal mund të ketë një përfundim të dhimbshëm, pas një periudhe të vështirë që kishte në jetë.

Derisa ishte lojtar i Barcelonës, ai ishte duke vuajtur nga kanceri dhe duhej një mëlçi të transplantohej, për t’i shpëtuar jetën.

Derisa shumëkush besonte se organi ishte dhuruar nga një familjar i tij, një gjë e tillë po hetohet dhe aludohet se nuk është e vërtetë.

Francezi e transplantoi organin jetik në vitin 2012, ndërsa në atë kohë ishte thënë se atë e kishte dhuruar një kushëriri i tij.

Instituti Kombëtar i Toksikologjisë pas kryerjes së disa testeve, siguron se nuk ka asnjë lloj marrëdhënieje mes Abidalit dhe atij personi, i njohur si Gerard Armand.

Informacioni i publikuar nga “El Confidencial” siguron se ky është përfundimi i ekspozuar nga Toksikologjia pas kryerjes së testeve të ndryshme biologjike. Kjo është përshtatur në kuadër të hetimit për trafik organesh, që ndër të tjera prek edhe Sandro Rosell, Juanjo Castillo dhe vetë Abidal.

Operacioni u zhvillua në vitin 2012 dhe pikërisht më 2017, policia vendosi të hapë një hetim, pasi zbuloi një sërë parregullsish në procesin e transplantimit të ish-lojtarit dhe ish-drejtorit të Barcelonës.

Nga ana e saj, mbrojtja e Sandro Rosell ka dalë me këtë informacion dhe ka vënë në pah disa pika të rëndësishme. Nga njëra anë, ai nënvizon se ish-presidenti i Barçës nuk kishte asnjë lidhje me menaxhimin e transplantit dhe tregon për Klinikën e Barcelonës. Nga ana tjetër, ata tregojnë se rezultatet e testeve INT nuk mund të konsiderohen përfundimtare.

#Pacientes | Caso Éric Abidal: la defensa del expresidente del @FCBarcelona_es Sandro Rosell ve incompleta la prueba de parentesco del futbolista y su donante https://t.co/yGLKtXmHyM

— ConSalud.es (@Consalud_es) April 4, 2022