Analisti Shkëlzen Gashi ka komentuar raportimet se kryeministri Albin Kurti është i pakënaqur dhe do të kërkojë dorëheqjen e Ministres së Jashtme, Donika Gërvalla.

Gashi nuk ka dëshiruar të komentojë këtë raportim direkt, por ka thënë se opozita është e interesuar dhe do të përfitonte nga prishja e koalicionit.

“Për shkak se këtu ka një koalicion me VV-së dhe Listës Guxo. Shumica dërrmuese e partive opozitare e sulmojnë ministren që të prishin koalicionin dhe të prishin qeverinë. Kështu më duket mua. Është e vërtetë që për 12 muaj ka bërë gafa por ka qenë në llupën e të gjithëve”, tha ai.

Gashi shtoi se nuk ka program të qartë për politikën e jashtme dhe e pranon se Gërvalla ka bërë gabime të njëpasnjëshme.

“Për mua është e rëndësishme që nuk ka një program. Kur e sheh programin e Vv-së, është vetëm një faqe. Nuk ka asgjë konkrete aty. Sot e hapa faqen e MPJ-së. Aty klikova tek një opsion që quhet cilat janë prioritet tona. E klikova dhe më tha është në proces. “është në proces” që 12 muaj. Paramendoni që 365 ditë. Është dashur të punohet në këtë drejtim”, tha Gashi.