Shenjat që tregojnë se ka nevojë për zëvendësim

Ka njolla ose çngjyrosje
Zakonisht ne mund ta shikojmë vetëm për të vendosur nëse është koha për ta hedhur. Nëse ka njolla nga enët, tiganët dhe pastrimi i banakut, të cilat nuk ikin me larjen e tij, atëherë më mirë të marrim një të re.

Era e tij
Edhe nëse duket sikur e ka “të ardhmën përpara”, nëse fillon të mbajë erë, atëherë është koha për t’i thënë lamtumirë. Me kalimin e kohës sfungjeri mund të ketë një erë nga pastrimi dhe akumulimi i lagështirës dhe ju patjetër dëshironi një të pastër.

Nuk ju kujtohet kur e keni zëvendësuar
Nëse ndërsa lexoni këtë artikull po përpiqeni të mbani mend herën e fundit që keni ndryshuar sfungjerin tuaj, atëherë ndoshta ka ardhur koha. Çdo dy javë deri në një muaj konsiderohet një periudhë e mirë, por gjithçka varet nga sa shpesh e përdorni dhe sa mirë e pastroni më pas.

Si ta bëni atë të zgjasë më gjatë
Mbajeni sfungjerin tuaj në një cep të ajrosur mirë. Mos e lini në fund të lavamanit që laget më shpesh pasi kjo mund të reduktojë shumë jetën e tij. Në vend të kësaj, vendoseni në një vend që do të thahet shpejt pas përdorimit.

Në fund, sigurohuni që të zgjidhni sfungjerin e duhur për çdo përdorim. Nëse, për shembull, dëshironi të pastroni një tigan që ka ende mbetje, atëherë preferoni që fillimisht të përdorni një tel për t’i hequr ato dhe më pas me sfungjer për ta larë. /abcnews.al/