Një rrahje brutale mes disa të personave ka ndodhur sot afër shkollave të mesme në Gjilan.

Rastin e ka konfirmuar zëdhënësi i Policisë së Kosovës për rajonin e Gjilanit, Ismet Hashani, i cili tha se nga kjo rrahje ka mbetur i lënduar një person i cili ka pranuar tretman mjekësor, ndërsa të përfshirë kanë qenë gjashtë persona.

“Ju njoftoj se sot me datë 17.06.2022 policia e Kosovës kanë pranuar një informate për një rrahje këtu në Gjilan. Të përfshirë në rrahje janë 6 persona njëri nder ta ka pranuar tretman mjekësor, policia e Kosovës nga stacioni i policor në Gjilan fillimisht i ka arrestuar personat e involvuar në këtë rast , dhe të njëjtit janë intevistuar në bazë të procedurave ligjore”, tha Hashani.

Ai tha më tej se për rastin është njoftuar prokurori i shtetit.