Modelja dhe prezantuesja televizive, Alyson Eckmann e ka zbuluar një detaj që i kishte ndodhur në të kaluarën.

Bukuroshja amerikane, në një intervistë dhënë për “Telecinco” ka treguar se dikur e kishte pasur një flirt shumë të fortë me Cristiano Ronaldon.

Alyson në fakt ka konfirmuar se ylli portugez, i cili është në largim e sipër nga Manchester United, i kishte bërë ftesë asaj derisa po flisnin.

“Më ka ftuar në shtëpi të tij për ta kaluar një natë së bashku. Por, e refuzova. Mund të isha unë sot në vend të Georginas”, deklaroi gazetarja amerikane.

Sot, Alyson vazhdon të jetë një femër super-seksi me një profil eksplodues në Instagram me fotot e saj “përvëluese”.

Ronaldo njihet si futbollisti që ka pasur aventura me shumë femra, por shumë pak prej tyre kanë rezistuar dhe e kanë refuzuar, siç është rasti i Alyson Eckmann.

“CR7” qe disa vite është bashkë me të dashurën e tij, Georgina Rodriguez, ndërsa në të kaluarën ishte në lidhje të gjatë me modelen ruse, Irina Shayk.