Eva i ka prezantuar botës djalin e saj. Reperja dhe aktorja mirëpriti fëmijën e saj të parë me bashkëshortin e saj, sipërmarrësin Maximillion Cooper. Lajmin e ka bërë të ditur vetë Eva duke postuar një foto të vogëlushit duke fjetur.

“Djali ynë i bukur lindi më 1 shkurt 2022. Wilde Wolf Fife Alexander Somers Cooper. Fjalët nuk mund ta përshkruajnë këtë ndjenjë.”, tha ajo. Dyshja u martuan në vitin 2014. Për revistën People, Eva tha gjatë karantinës u afruan më shumë me njëri-tjetrin.

“Kjo do të tingëllojë kaq e çuditshme dhe betohem, kërkoj falje sepse nuk jam romantike…Na afroi më shumë dhe më bëri të kuptoj: “Uau, ne zgjodhëm njëri-tjetrin dhe kjo është një zgjedhje e shkëlqyer”, tha ajo pak kohë më parë për partnerin.