Ndryshe prej takimit me Kryeministrin e Kosovës, Albin Kurtin, ku pati të pranishëm edhe persona të tjerë, i dërguari special i Bashkimit Europian (BE), Miroslav Lajcak, ka diskutuar ndaras me presidentin serb, Aleksandar Vucic, madje ai bisedën me këtë të fundit e quajti shumë konstruktive dhe thelbësore.

Diplomati evropian, Miroslav Lajcak, ka dhënë detaje nga takimi i sotëm me Aleksandar Vucicin, derisa ka shpërndarë një foto në llogarinë e tij në Twitter, ku shihet bashkë me presidentin serb.

“Sapo përfundova një diskutim konstruktiv dhe thelbësor me Presidentin e Serbisë, Aleksandar Vucic, në Beograd për rrugën përpara në dialogun e lehtësuar nga BE-ja për normalizimin e marrëdhënieve”, ka shkruar Lajcak.