Kryeministri i Shqipërisë, Edi Rama, është duke qëndruar në Serbi. Ai sot ka vizituar Panairin e Verërave në Beograd. Për këtë vizitë një “thumb” i erdhi nga ish-kryeministri, Ramush Haradinaj.

Haradinaj në një postim në Facebook ka thënë se Kosova “ka qenë dhe është shumë hapa para Serbisë në prodhimin e verërave”.

Mbajtja e Panairit të Verërave në Beograd dhe promovimi i tij në rajon, godet direkt biznesin e verarisë në Kosovë”, ka shkruar ai.

Mirëpo, Haradinaj, me këtë postim ka “goditur” edhe Kurti për shkak të reduktimeve të shpeshta të energjisë elektrike.

Reagimi i plotë:

Kosova ka qenë dhe është shumë hapa para Serbisë në prodhim të verërave.
Mbajtja e Panairit të Verërave në Beograd dhe promovimi i tij në rajon, godet direkt biznesin e verarisë në Kosovë.

Përderisa i bëhet kaq promovim panairit në Beograd, panairi në Kosovë dënohet me mungesë rryme, duke pamundësuar funksionimin normal.

Rahoveci është kryeqyteti i verërave në rajon, e që nesër si dhe çdo vit është nikoqir i “Hardh Fest”.
Përkrahja e vreshtarëve tonë promovon punën e tyre dhe Kosovën në gjithë botën.