Njerëzit që qëndrojnë për orë të gjata para televizorit kanë një shans më të madh për të zhvilluar demencë në të ardhmen, tregon një studim i ri. Kjo lidhje i atribuohet sjelljes sedentare, e cila prej kohësh është shoqëruar me shfaqjen e sëmundjeve kardiometabolike dhe tani po shtrihet edhe në demencë.

Por nuk është e njëjta gjë për përdorimin e kompjuterit, i cili është gjithashtu një aktivitet i ulur, por nuk duket se rrit rrezikun e demencës. Studiuesit analizuan të dhënat për 146,651 persona mbi 60 vjeç që nuk ishin diagnostikuar me demencë në fillim të studimit.

Pjesëmarrësit regjistruan dhe raportuan se sa kohë shpenzonin çdo ditë në dy aktivitete të ulura, duke parë televizor dhe duke përdorur një kompjuter, si dhe sa kohë shpenzuan në ushtrime fizike dhe aktivitete të tjera fizike. Pas rreth 12 vjetësh, 3,507 njerëz ishin diagnostikuar me demencë.

Pasi u morën në konsideratë faktorë të tjerë rreziku (obeziteti, përdorimi i alkoolit, profesioni etj.), studimi arriti në përfundimin se ekziston një lidhje e qartë mes kohës para televizorit dhe rrezikut të demencës. Rreziku reduktohej disi nëse dikush kombinonte shikimin e tepërt të TV me nivele të larta të aktivitetit fizik. /abcnews.al/