Presidentja e Kosovës, Vjosa Osmani, ka shprehur falënderim ndaj “Trekëndëshit të Weimarit”, apo Francës, Gjermanisë dhe Polonisë për deklaratën për progres të liberalizimit të vizave.

Osmani thotë se ky proces është vënë përsëri në rrugë të duhur pas, siç e quajti ajo, punës së palodhur të Qeverisë së Kosovës.

“Shumë faleminderit Gjermanisë, Francës dhe Polonisë për angazhimin e tyre të vendosur ndaj vizave për popullin e Kosovës. Ky proces i vonuar është vënë sërish në rrugën e duhur përmes punës së palodhur dhe agjendës së qartë të institucioneve të Kosovës dhe mbështetjes së aleatëve tanë’, ka shkruar ajo në një postim në Twitter.