Franca nënshkroi një marrëveshje këtë javë për t’i dhënë Polonisë dy satelitë zbulimi dhe një stacion pritës për të ndihmuar qeverinë të zbulojë më mirë kërcënimet e hershme përmes imazheve satelitore.

Marrëveshja midis Airbus dhe Agjencisë Polake të Armatimeve u njoftua pas një takimi të ministrit polak të mbrojtjes Mariusz Błaszczak dhe homologut të tij francez Sébastien Lecornu në Varshavë më 27 dhjetor, shkruan Euronews.

“Kjo është një aftësi dhe mundësi jashtëzakonisht e rëndësishme për të plotësuar gjithçka që lidhet me aftësitë e parandalimit dhe paralajmërimit të hershëm,” tha Błaszczak në një deklaratë nga ministria.

Ndërsa satelitët janë planifikuar për vitin 2027, pala polake është vendosur të ketë akses të menjëhershëm në imazhet satelitore dhe do të marrë të dhëna me një saktësi prej 30 centimetrash.

Błaszczak tha se imazhet do të ishin të rëndësishme jo vetëm për ushtrinë polake, por edhe për Shërbimin Kombëtar të Zjarrfikësve që të ketë një paralajmërim të hershëm kur ndodhin fatkeqësi natyrore.

Ministria e Ushtrisë së Francës tha në një deklaratë se kontrata do të krijonte 500 vende pune dhe kishte vlerë 575 milionë euro.

Të dy ministrat folën gjithashtu për planifikimin e ndihmës ushtarake për Ukrainën në tremujorin e parë të 2023.