Një zyrtar policor ka ndërruar jetë si pasojë e një aksident trafiku që ka ndodhur sot gjatë mesditës.

Aksidenti ka ndodhur në magjistralen Mitrovicë-Zveçan, ndërsa nuk dihet nëse ka të lënduar të tjerë.

Rastin për lajmi.net e ka konfirmuar zëvendësdrejtori i Policisë së Kosovës për rajonin e Mitrovicës veriore, Besim Hoti.

Hoti ka bërë të ditur se zyrtari policor që humbi jetën në aksident ka qenë jashtë detyrës dhe me veturë private.