Kris  Jenner u ndodh në “zonën e rrezikut” gjatë emisionit të James Corden “Late Late SHoë”. E shoqëruar nga Kylie, mamaja e klanit Kardashian-Jenner iu përgjigj  pyetjeve pikante teksa ndodhej e lidhur pas makinës së gënjeshtrave.

Për vite me radhë, është përfolur se 66-vjeçarja ka pasur të bëjë me publikimin e kasetës së famshme të seksit të Kim Kardhashian dhe  Ray J. Pas një serie pyetjesh të thjeshta për t’u siguruar që makineria ishte në rregull, Corden nisi me të vështirat.

James Corden: A e ndihmove Kim të publikonte kasetën e seksit? Të pranishmit gulçuan nga habia, ndërsa biznesmenia tundi kokën në mënyrë mohuese.

Kris Jenner: Është në rregull…jo.

Makineria konfirmoi përgjigjen, ndërsa ajo shtoi: “Më pëlqen kjo! Më në fund e qartësuam!”, ndërsa Corden ndoqi reagimin e saj: “Sigurisht që është e vërtetë”.

Më tej, Kris konfirmoi se Kim nuk e ka prishur fustanin e Marilyn Monroe që veshi në Met Gala këtë vit. Pyetje të tjera kishin të bënin me Kourtney, për të cilën tha se i pëlqeu fustani i dasmës, por nuk është fanse e shfaqjeve të saj të dashurisë në publik me bashkëshortin Travis Barker.

Mes të tjerash, Kris konfirmoi publikisht se Kylie është fëmija i saj i preferuar, një përgjigje që mund ta fusë në telashe me vajzat e saj.