Kosova dhe Serbia raportohet se kanë rënë dakord të shkëmbejnë të dhëna arkivore, të cilat mund të ndihmojnë në gjetjen e personave të zhdukur nga të dyja palët, ka mësuar N1 në Bruksel.

Informacioni do të jepet “me kërkesë” nga të dyja palët, jo automatikisht.

Serbia kishte insistuar në “hapjen e arkivave të UÇK-së”, ndërsa Prishtina pretendonte se nuk kishte arkiva të UÇK-së, por vetëm arkiva të asaj periudhe.

Një raund i ri i dialogut ndërmjet Prishtinës dhe Beogradit zyrtar ka nisur mëngjesin e sotëm në Bruksel.

Deri më tani ka përfunduar një raund i takimeve dypalëshe ndërmjetësuar nga Miroslav Lajçak.