Ditën e enjte u përcoll për në banesën e fundit kryebashkiakja ukrainase Olha Sukhenko, e cila u gjet e vrarë bashkë me burrin dhe djalin e saj pasi forcat ruse u larguan nga rajoni i Kievit.

Sukhenko ishte kryebashkiakja e Motyzhyn, qytet në lindje të kryeqytetit

Vadym Tokar, kreu i këshillit të fshatit Makariv, postoi video në Telegram të banorëve lokalë që ecnin pas një furgoni që mbante arkivolet e Sukhenkos dhe burrit dhe djalit të saj, të cilët gjithashtu u vranë.

“Në Motyzhyn, ata i thanë lamtumirën Olha Sukhenkos, burrit dhe djalit të saj, të cilët u torturuan dhe u vranë nga pushtuesit rusë”, tha Tokar, duke shtuar se rreth 300 njerëz erdhën për të bërë nderimet e fundit ndaj kryebashkiakes së tyre.