Deri në ditën kur Lionel Messi të pensionohet, duket se gjithmonë do të ketë zëra që e lidhin atë me një rikthim në Barcelonë.

Askush nuk e imagjinonte kurrë të shihte argjentinasin të largohej nga Barcelona, duke pasur parasysh kohën që kaloi atje, derisa u transferua në Francë.

Messi aktualisht është nën kontratë me Paris Saint-German deri më 30 qershor 2023, dhe atëherë ai do të duhet të marrë një vendim nëse dëshiron të rinovojë kontratën apo ta çojë karrierën e tij në një drejtim të ri.

Në një bisedë me ish-bashkëlojtarin e tij të kombëtares, Ezequiel Lavezzi, Messi dha disa sugjerime se çfarë mund të presë e ardhmja për të, shkruan Marca.

Ai e di se dyert janë më se të hapura si në Camp Nou ashtu edhe në Parc des Princes, pasi pala franceze do të bëjë gjithçka që mundet për të rinovuar marrëveshjen e tij.

“Ishte e vështirë të largohesha nga Barcelona, ​​ne kishim kaluar gjithë jetën në të njëjtin vend. Nuk kisha lëvizur kurrë dhe nuk e dija se si ishte të largoheshe”, tha Messi.

“Nuk e prisja këtë, ndodhi shumë shpejt dhe më duhej të largohesha nga Barcelona brenda natës”.

“Ne e gjetëm veten në një mjedis të ri. Ne kishim jetën në Barcelonë, miqtë tanë, zakonet tona dhe ishim në një vend tjetër, me një gjuhë tjetër, me një lloj tjetër futbolli, me një tjetër klimë. Ishte e vështirë, por. sot më pëlqen gjithçka, përfshirë futbollin”.

Megjithatë, kur bëhet fjalë për një rikthim të mundshëm te Barcelona, ​​duket se Messi është më i interesuar të qëndrojë në Francë.

“Parisi më pëlqen shumë më tepër, e eksploroj qytetin dhe e shoh të mrekullueshëm”, tha Messi.

“Gjatë vitit tim të parë pati një ndryshim të madh, gjërat ndodhën shumë papritur. Nuk ishte qëllimi im të largohesha nga Barcelona dhe gjithçka ishte e papritur”.

“Pas kësaj periudhe të gjatë dhe disa momenteve të vështira, jam i lumtur që jetoj atje ku jetoj dhe unë dhe familja ime po shijojmë Parisin”.