Kryetari i PDK-së, Memli Krasniqi ka uruar besimtarët e fesë islame për festën e Kurban Bajramit.

Krasniqi me anë të një postimi në Facebook, veçanërisht ka uruar familjet e dëshmorëve e martirëve, ato që nuk i kanë afër më të dashurit e tyre për këtë festë, shkruan lajmi.net.

“Në këtë ditë simbol të sakrificës dhe solidaritetit, reflektojmë dhe thërrasim për mirëkuptim, tolerancë e dashuri mes njëri-tjetrit”, ka shkruar ai.

Postimi i plotë:

Të gjithë qytetarëve të besimit islam në Kosovë, me fat festa e Kurban Bajramit!

Uroj, në veçanti, të gjitha familjet e dëshmorëve, të martirëve dhe familjet që nuk i kanë pranë më të dashurit për këtë festë të veçantë.

Në këtë ditë simbol të sakrificës dhe solidaritetit, reflektojmë dhe thërrasim për mirëkuptim, tolerancë e dashuri mes njëri-tjetrit.

Bashkë dhe të shtyrë nga qëllimet e mira, uroj që secili prej nesh, angazhimin tonë ditor e profesional, ta kapitalizojmë në funksion të ngritjes dhe zhvillimit të Atdheut tonë.