Ushtruesi i detyrës së kryetarit të Organizatës së Veteranëve të Luftës, Faton Klinaku është deklaruar sërish lidhur me kërkesën e mosmiratimit të projektligjit për pagën minimale në vend.

Klinkau ka deklaruar se ky projektligj është diskriminues ndaj kategorive të luftës së UÇK-së.

Klinaku përmes një publikimi në Facebook ka bërë kërkesë ndaj deputetëve të Kuvendit të Kosovës, për mosmiratimin e këtij projektligji për inate politike.

“Të nderuar deputetë, që ju ka mbetur pak dinjitet! Mos e miratoni nesër projektligjin diskriminues ndaj kategorive të luftës së UÇK-së e për inate politike, sepse ne jemi duke mbrojtur interesat e veteranëve, invalidëve dhe familjeve të dëshmorëve dhe jo interesat e partive politike”, shkroi ai.

Po ashtu ai ka theksuar se deputetët nuk duhet të rreshtohen kundër interesave të kategorive të luftës së UÇK-së, pasi janë po ata që janë në bashkëqeverisje për interesat e pakicave që përfaqësojnë.

Klinaku tha gjithashtu se nëse nuk dëgjohet thirrja e tij do të detyrohen të organizojnë protestë para institucioneve.

Postimi i plotë:

Të nderuar deputetë, që ju ka mbetur pak dinjitet!

Mos e miratoni nesër projektligjin diskriminues ndaj kategorive të luftës së UÇK-së e për inate politike, sepse ne jemi duke mbrojtur interesat e veteranëve, invalidëve dhe familjeve të dëshmorëve dhe jo interesat e partive politike.

Të nderuar deputetë të pakicave!

Mos u rreshtoni kundër interesave të kategorive të luftës së UÇK-së, sepse ju jeni në bashkëqeverisje aty për interesat e pakicave që i përfaqësoni.

P.S

Në të kundërtën, nëse nuk i dëgjoni thirrjet, do t’na detyroni që të organizojmë protestë për të qëndruar para institucioneve natë e ditë.