Nga muaji nëntor, Ministria e Ekonomisë, kishte bërë thirrje për kufizime sa i përket ndriçimeve dekorative për festat e fundvitit, shkak i krizës energjetike.

Megjithatë, jo të gjitha komunat respektuan një gjë të tillë.

Qindra e mijëra euro u shpenzuan për ndriçim të shesheve dhe hapësirave publike komunale.

36 mijë euro, i kushtoi Komunës së Prizrenit, zbukurimi i disa shesheve dhe institucioneve publike.

Pasuar nga komuna e Podujevës, prej buxhetit të së cilës u ndanë 20 mijë euro për dekore.

Përmes një ritenderimi, Lipjani shpenzoi mbi 14 mijë euro, për zbukurime.

Shifrën prej 9 mijë eurove, e tejkaloi Komuna e Vushtrrisë.

Kontrata ka të bëjë me dekorimin e qytetit për festat e fundvitit me furnizim, montim dhe demontim të elementeve dekorues.

Pamje të këtyre dekorimeve, janë të përfshira në dosjen e tenderit.

Totalin prej 6 mijë euro e shpenzoi Komuna e Shtimes.

Ajo ka specifikuar llojet e dekorimeve dhe sasinë e tyre që janë përdorur në zbukurimin e shesheve.

Shumë më të vogël të parave, afro 1 mijë euro, destinoi komuna e Malishevës.

Furnizim me bredhë dhe materiale dekoruese, së bashku me ndriçim në parkun e qytetit dhe objektin e komunës.

Bazuar në krizën energjetike, masat emergjente sipas vendimit të Qeverisë, janë në fuqi deri në fillim të muajit janar të vitit të ardhshëm.