Mbrojtësi i krahut i Barcelonës, Jordi Alba ka treguar se cili është trajneri më i mirë në botë sipas tij.

Gjatë intervistës së tij për ‘Mundo Deportivo’, Jordi Alba ishte plot lëvdata për Luis Enrique, trajnerin spanjoll të cilin e konsideron si trajnerin më të mirë si për futbollin ashtu edhe për personalitetin e tij.

 “Unë tashmë e njoh atë nga Barcelona. Ai është një person i drejtpërdrejtë, i cili u beson shumë lojtarëve. Për mua, e kam thënë gjithmonë, ai është trajneri më i mirë në botë. Jo vetëm në fushën e futbollit, por edhe në fushën njerëzore. Ai është shumë afër dhe i ndihmon të gjithë bashkëlojtarët dhe kjo është e rëndësishme për të gjithë lojtarët dhe për mua”, u shpreh ai.

Kujtojmë që Enrique e ftoi Jordi Alba për Kupën e Botës, që do jetë pjesëmarrja e tij e tretë në këtë kompeticion me kombëtaren spanjolle.