Ministri i Jashtëm turk, Mevlut Cavusoglu, kritikoi homologen gjermane, Annalena Baerbock, pasi kjo e fundit tha se ishujt në Egjeun lindor: Lesbos, Kios, Rodos dhe shumë e shumë të tjerë, janë territor grek dhe se askush nuk ka të drejtë ta vë këtë në pikëpyetje.

Duke folur në një konferencë shtypi së bashku me Baerbock, Cavusoglu tha se Gjermania ka humbur neutralitetin e në rolin e saj si ndërmjetëse në mosmarrëveshje.

“Ne duam që Gjermania të mbajë qëndrimin e saj të ekuilibruar në çështjen e Mesdheut Lindor dhe Egjeut. Berlini nuk duhet të jetë një mjet për provokim dhe propagandë, veçanërisht nga pala greke dhe qipriote”, tha Cavusoglu.

Cavusoglu tha se Berlini duhet të dëgjojë të dyja palët pa paragjykime.

Në komentet së bashku me homologun e saj grek, Nikos Dendias, Baerbock shtoi se qeveria gjermane do të bënte gjithçka për mbrojtjen e familjes së BE-së.

Ministrja gjermane u zotua të përsërisë mesazhin gjatë bisedimeve të saj në Turqi më vonë gjatë ditës. Me të mbërritur në Stamboll, ajo bëri thirrje për dialog dhe respekt për sovranitetin e njëri-tjetrit.

Athina i kërkoi Gjermanisë të ndalojë dërgimin e pajisjeve ushtarake në Turqi, ndërkohë që tensionet mbeten të ngritura.

Zyrtarët turq thonë se sovraniteti i ishujve lindorë të Greqisë mund të kundërshtohet nëse Greqia mban një prani ushtarake atje në kundërshtim me traktatin, raporton DW.

Athina e kundërshton këtë qëndrim, duke akuzuar Ankaranë për kryerjen e fluturimeve të shpeshta ushtarake të ishujve të saj në detin Egje lindor.

Greqia dhe Turqia kanë qenë në mosmarrëveshje për dekada mbi kufijtë detarë.