Emili Ratajkovski duket se po ndahet edhe ligjërisht nga bashkëshorti Sebastian Ber-Mekkllerd. Page Six shkruan se modelja e famshme dorëzoi kërkesën për divorc të enjten në Gjykatën e Manhatanit në Nju Jork. 31-vjeçarja e quan Mekkllerdin “tradhtar serial”.

Janë pikërisht aktet e tradhtisë bashkëshortore të përsëritura shumë herë, që e kanë shtyrë Ratajkovskin të kërkojë edhe zyrtarisht divorcin nga producenti kinematografik.  

Ylli i fushës së modelimit ka 4 vjet martuar me 41-vjeçarin dhe së bashku kanë një djalë 1 vjeç, Silvester Apollon. Në shfaqjet e saj në rrjetet sociale, ajo e ka etiketuar veten si “kohët e fundit beqar”, por prej më shumë se dy muajsh, ata nuk jetojnë më as bashkë.