Njëri nga dy personat që u ther sot në Pejë ka vdekur teksa po trajtohej në Spitalin Rajonal të Pejës.

Ngjarja tragjike ka ndodhur sot gjatë ditës ku janë therrë dy persona me thikë në Pejë. Lajmi e kishte konfirmuar zëdhënësi i policisë për rajonin e Pejës, Fadil Gashi

“Rreth orës 14:45 policia ka pranuar informatën për një përleshje në mes të dy personave. Gjatë përleshjes janë përdorur edhe mjetet të mprehta dyshohet që thikë. Si pasojë dy personat e përfshirë në këtë përleshje kanë pësuar lëndime dhe janë duke u trajtuar në spital, dhe njëri prej tyre ka lëndime më të rënda”, kishte pohuar Gashi.

Gashi gjithashtu, ai tha policia ka dalë në vendin e ngjarjes dhe është duke u marrë me rastin.