Deputetja e PDK-së, Ganimete Musliu, ka thënë sot se nëse ministrja e Drejtësisë Albulena Haxhiu, nuk i kërkon falje publike Hashim Thaçit e Kadri Veselit kërkesa për t’u takuar me ta në Hagë është e pakuptimtë dhe e padrejtë.

Sipas Musliut, para takimit Haxhiu duhet t’i kërkojë falje publike Thaçit e Veselit që i quajti kriminel.

“Albulena Haxhiu para se të niset në Hagë do të duhej fillimisht ti kërkonte publikish falje Hashim Thaçit dhe Kadri Veselit që i quajti kriminel. Nëse nuk kërkon falje publike kërkesa për ti takuar liderët e UÇK-së është e pakuptimitë dhe e padrejtë”, shkruan ajo.

Ndryshe, ministrja Haxhiu ka paralajmëruar se do të udhëtojë në Hagë për të takuar ish-krerët e UÇK-së që po mbahen në Hagë, por ajo ka thënë se nuk ka siguri që do të takohet me Thaçin e Veselin. /Scanner/