I biri i presidentit historik Ibrahim Rugova, Uka, ka marrë sot shtetësinë shqiptare.

Ukë Rugova, së bashku me bashkëshorten e tij, Blertën, ishin musafirë të Bashkisë së Tiranës, ku edhe u pajisen me dokumentet e Shqipërisë.

Ata u priten nga kryetari i Tiranës, Erion Veliaj, i cili u shpreh i lumtur që Uka dhe Blerta morën shtetësinë shqiptare.

Jam shumë i lumtur që Ukë Rugova, djali i Presidentit historik të Kosovës, Ibrahim Rugova, dhe bashkëshortja e tij, Blerta, morën zyrtarisht edhe shtetësinë shqiptare. Amaneti i të parëve tanë na thërret të punojmë për progresin e kombit shqiptar!” ka shkruar Veliaj në Instagram.