Ne jemi krenarë për arritjet tona të përbashkëta. Në këtë mënyrë, presidentja e Kosovës, Vjosa Osmani, e ka uruar ShBA-në me rastin e 246-vjetorit të pavarësisë.

“Sot populli i Kosovës i bashkohet me gjithë zemër presidentit Joe Biden dhe të gjithë miqve tanë amerikanë në festimin e 4 korrikut”, ka shkruar Osmani në llogarinë e vet në  “Twitter”.

Më tutje, ajo ka thënë se Kosova dhe ShBA-ja ndajnë vlera të përbashkëta.

“Ne jemi krenarë për arritjet tona të përbashkëta dhe për promovimin dhe mbrojtjen e vlerave tona të përbashkëta. Së bashku, ne do të vazhdojmë të shkojmë nga forca në forcë”, ka shkruar Osmani.