Në kontinentin evropian, Kosova e ka pagën më të vogël minimale, ndërsa Luksemburgu i prin listës si shteti me pagën më të madhe minimale. Paga minimale e një shteti përcaktohet me ligj dhe zbatohet për shumicën e punonjësve të atij shteti.

Sipas një infografike të publikuar nga REL, paga minimale në Luksemburg është 2 mijë e 257 euro.

Pas Luksemburgut, me paga minimale më të larta renditen Holanda, Belgjika, Gjermania e Franca.

Në Holandë, paga minimale është 1 mijë e 725 euro, në Belgjikë 1 mijë e 658 euro, në Gjermani 1 mijë e 621, derisa në Francë 1 mijë e 603 euro.