Kryenegociatori i palës serbe në dialogun e Brukselit, Petar Petkoviç, me t’u larguar nga ndërtesa ku po mbahen bisedimet tha se nuk ka mundur të arrihet asgjë në takimin e Nivelit të Lartë.

“Më e rëndësishmja është se ne kemi luftuar për paqe, stabilitet, për zgjidhje kompromisi dhe për këtë arsye presidenti Aleksandar Vuçiç po qëndron këtu në Bruksel për edhe ca kohë”, tha Petkoviq.

Ai deklaroi për mediat se presidenti serb, Aleksandar Vuçiq, me t’u kthyer në Beograd, do të ketë një nga fjalimet, siç e cilësoi ai, më të rëndësishme për publikun.