Philippe Coutinho i ka mbyllur spekulimet se ai po kërkon të largohet nga Aston Villa.

Futbollisti brazilian përmes një postimi në rrjetet sociale i ka quajtur gënjeshtra pretendimet e disa raporteve se ai po kërkon të largohet nga klubi anglez.

“Asnjëherë, dhe në asnjë moment, nuk kam pasur asnjë lloj bisede duke kërkuar të largohem nga klubi, sepse unë jam i lumtur këtu dhe gjithashtu edhe familja ime. Fokusi im i vetëm tani që jam rikuperuar nga lëndimi është të punoj në maksimum çdo ditë, të luaj në një nivel të lartë dhe të ndihmoj klubin dhe bashkëlojtarët e mi për të arritur qëllimet tona”, ka shkruar ai në Instagram.