Billie Eilish sapo konfirmoi lidhjen e saj  me një puthje me artistin Jesse Rutherford jashtë një restoranti indian në Kaliforni.

Me krahët e mbështjellë mbi supet e tij,  20-vjeçarja u pa duke ndarë një puthje  me 31-vjeçarin i cili performon me grupin e rockut “The Neighborhood. Billie nuk mund ta fshinte buzëqeshjen nga fytyra e saj gjatë mbrëmjes së tyre romantike së bashku, ndërsa ata dukeshin në humor të mirë.

Çifti i ri shëtiti për pak ndërsa po bisedonin së bashku përpara se të hynin në  makinën Volkswagen të Rutherford.

Billie nisi thashethemet për romancë me këngëtarin javën e kaluar, kur ata u panë duke u kapur për dore në ‘Halloween Horror Nights’ të Universal Studios.

Romanca  e tyre ka ngjallur reagime të ndryshme në internet,  ku shumë fansa shprehin shqetësime për diferencën 10-vjeçare në moshë. Por të tjerë theksojnë se artistët njihen prej vitesh. Në fakt, një llogari e fansave të Rutherford  ndau një foto të tyre të vitit 2017 që tregonte se dyshja pozonin në një festë kur ajo ishte 16 vjeç dhe ai 26.