Kryeministrja e Serbisë, Ana Bërnabiq, ka thënë se marrëveshjet e arritura më parë mes Kosovës e Serbisë duhet të respektohen.

Ajo ka deklaruar se është skandaloze vendimi i Kryeministrit të Kosovës, Albin Kurti për targat.

“Kjo që po ndodh dhe që po e bëjnë Prishtina e Kurti është skandaloze. Ata nuk kanë të drejtë të veprojnë kështu sipas asnjërës marrëveshje. Gjithçka ka dalë jashtë kontrollit. Serbët në Kosovë nuk e kanë të qartë çka po ndodhë dhe ne po mundohemi që të ndikojmë tek ata që të mos eskalojnë. Serbët e dinë planin e Beogradit dhe janë në kontakt të vazhdueshëm me aq sa mundemi, koordinohemi”, citohet të ketë thënë Bërnabiq në RTS.