Kanë përfunduar edhe dy ndeshjet e tjera në kuadër të Superligës së Kosovës.

Ballkani i është rikthyer fitores, pasi mposhti 2:0 Ferizaj.

Pjesa e parë në këtë takim u mbyll pa gola.

Në pjesën e dytë kampioni në fuqi arritën të shënojnë dy herë.

Armend Thaqi në minutën e 67` i dha epërsinë Ballkanit.

Kurse, për 2:0 u përkujdes Albion Rrahmani në minutën 84`.

Drita mposhti Malishevën me rezultat 3:1

Drita 45 minutat e parë i mbylli në epërsi ndaj Malishevës me rezultat minimal 1-0.

Golin e vetëm e realizoi Besnik Krasniqi nga penalltia në minutën e 10`.

​Pjesa e dytë nisi më mirë për mysafirët, kur talenti i madh Drilon Hazrollaj doli përballë Faton Malokut dhe e mposhti për tu barazuar shifrat në 1-1.

Megjithatë nuk vonoi shumë dhe Drita riktheu epërsinë, kur Ilir Blakcorri realizoi një gol të bukur nga distanca për 2-1.

Drita vazhdoi dominimin, derisa krejt në fund të ndeshjes Ardit Tahiri realizoi për rezultatin përfundimtar 3-1./Lajmi.net/