Një aksident i rëndë trafiku ka ndodhur mëngjesin e sotëm në rrugën Mitrovicë-Prishtinë.

Si pasojë e këtij aksidenti janë lënduar gjashtë persona.

Lidhur me këtë, zëdhënësi i policisë për Rajonin e Mitrovicës, Avni Zaiti tha se aksidenti ndodhi në segmentin rrugor në fshatin Pestovë.

“Një aksident trafiku me të lënduar është shkaktuar rreth  orës 08:00, në rrugë nacionale Mitrovicë-Prishtinë  përkatësisht në segmenti rrugor në fshatin Pestovë. Në aksident janë  përfshirë dy vetura, si pasojë e aksidentit  lëndime kanë pësuar gjashtë (6) persona të cilët kanë kërkuar tretman mjekësor”,tha ai.