Në Prishtinë është lansuar fushata “16 Ditët e Aktivizmit Kundër Dhunës me Bazë Gjinore”.
Albert Zogaj, kryesues i Këshillit Gjyqësor të Kosovës, ka thënë se ky sistem ka vetëdije të lartë sa i përket reagimit për raste të tilla.
“Të gjitha çështjet civile e rastet e dhunës trajtohen me dy procedura në gjykata, brenda afateve. Na mbetet ende punë për të bërë dhe e them se edhe nga perspektiva e sistemit që duhet të punojmë shumë në përfaqësimin e viktimave, që është parakusht për dhënien e vendimeve. Na nevojitet koordinim institucional për rehabilitimin e viktimave dhe kryesve”, ka thënë Zogaj në fjalën e tij.
Duke folur për politikat ndëshkimore, Zogaj ka theksuar mungesën e atyre për ndëshkim, por që ka shtuar se janë duke punuar.
“Kemi koordinim bashkë me Gjykatën Supreme se politikat ndëshkimore nuk janë adekuate, por po i adresojmë bashkë”.
“Ne po i monitorojmë me një komision të veçantë dhe kjo cilësi e vendimmarrjes do të avancohet gjatë vitit të ardhshëm. Në jemi të gatshëm për të kontribuar që të jepet drejtësi për të gjtiha rastet”.