Presidentja e vendit, Vjosa Osmani ka refuzuar një takim me ndërmjetësin e BE-së për dialogun Kosovë-Serbi, Miroslav Lajçak.
Siç mëson klankosova.tv, gjatë pjesëmarrjes në Forumin e Pragës, Lajçak kishte kërkuar një takim me Osmanin, për të diskutuar mbi zhvillimet e fundit referuar situatës së krijuar me mbylljen nga autoritetet kosovare të objekteve ilegale paralele serbe në veri dhe për çështjen e urës së Ibrit.
Megjithatë, presidentja Vjosa Osmani nuk ka shprehur gatishmëri takimi me ndërmjetësin e BE-së, Miroslav Lajçak, çka dhe ka rezultuar që të mos ketë diskutim mes tyre. Ky i fundit, raportohet të kishte takuar paraprakisht mbi këto zhvillime, presidentin serb, Aleksandar Vuçiq.