Ish-kryetarit të Prishtinës, Shpend Ahmeti i ka bërë përshtypje fakti që presidenti i Ukrainës, Volodymyr Zelensky nuk e përmendi një shtrëngim duarsh me kryeministrin e Kosovës në Athinë, në një video ku ai fliste për vizitat e fundit që i zhvilloi në Europë.
“Medova se e keni takuar edhe kryeministrin e Kosovës?”, shkroi Ahmeti në rrjetin social X, ish-Twitter.
“Kosova është mbështetësja më i madh i Ukrainës në Ballkan!”, shtoi Ahmeti.
Kryeministri i Kosovës, Albin Kurti pati një shtrëngim duarsh me presidentin e Ukrainës, Volodymyr Zelensky të hënë në mbrëmje pas një darke joformale të liderëve të shteteve të Ballkanit Perëndimor, ata të Bashkimit Europian dhe të Ukrainës e Moldavisë të hënën në mbrëmje.
Mbrëmë në Athinë, kryeministri i Kosovës, Albin Kurti pati një shtrëngim duarsh me presidentin ukrainas, Volodymyr Zelensky. Nga Qeveria nuk iu përgjigjën interesimit të Gazetës Express nëse Kurti dhe Zelensky do të takoheshin. Diçka e tillë nuk ka ndodhur tash për tash. Ata u takuan pas një darke joformale me liderë të shteteve të Ballkanit Perëndimor, ata të Bashkimit Europian dhe të Ukrainës e Moldavisë.
”Katër vizita. Suedia, Holanda, Danimarka, Greqia. Samiti Ukrainë-Ballkan. Bisedime me krerët e Bullgarisë, Serbisë, Kroacisë, Malit të Zi, Maqedonisë së Veriut, Moldavisë, Komisionit Evropian. Kthehemi në shtëpi me mbështetje të re politike dhe marrëveshje që e bëjnë Ukrainën më të fortë”, tha Zelensky, pa e përmendur Kosovën.