Volodymyr Zelensky akuzoi republikanët dhe demokratët për rivalitet të vogël politik, pasi paketa e ndihmës për Ukrainën nuk shpërndahet.
Një vendim i shpejtë i Kongresit Amerikan për ndihmën për Ukrainën është me “rëndësi kritike”, tha Zelensky sot pasi ushtria ukrainase vuan nga mungesa e municioneve përballë ushtrisë ruse, gjatë një takimi me senatorin amerikan Lindsey Graham.
“Është e një rëndësie kritike për ne që Kongresi Amerikan të përfundojë shpejt të gjitha proceset e nevojshme dhe të marrë një vendim përfundimtar për paketën prej 60 miliardë dollarësh të ndihmës amerikane për Ukrainën, e cila është bllokuar prej muajsh për shkak të rivalitetit të vogël politik midis republikanëve dhe demokratëve“, tha presidenti ukrainas.