Qëndrimi në telefon teksa jeni në tualet është një mënyrë e zakonshme për të kaluar kohën. Por ky aktivitet mund t’ju vërë në rrezik disa çështje serioze shëndetësore, paralajmëron një mjek.
Në një video të postuar në TikTok, gastroenterologu Saurabh Sethi zbuloi se surfimi në rrjetet sociale ndërsa jeni ulur në tualet, ushtron “presion mbi rektumin dhe anusin tuaj”.
“Kjo mund të çojë në probleme të tilla si hemorroidet, çarjet anale dhe prolapsi rektal”, tha Dr Saurabh, shkruan “The Sun”.
Në disa raste, mund t’ju duhet të shihni një farmacist për të marrë kremra për të lehtësuar dhimbjen, kruajtjen dhe ënjtjen, ose trajtim për të ndihmuar me kapsllëkun.
Çështja më serioze shëndetësore që mund të rezultojë nga qëndrimi në tualet për një kohë të gjatë është një prolaps rektal, sipas ekspertit. Kjo ndodh kur rektumi juaj, një pjesë e zorrës së trashë, rrëshqet brenda anusit tuaj.
Por këto nuk janë arsyet e vetme për të mos sjellë telefonin me vete në tualet.
“Një çështje tjetër është se ajo mund të jetë një terren mbarështues për bakteret”, tha ai.
“Studimet kanë zbuluar se një smartphone mesatar është më i ndotur se një ndenjëse e tualetit publik, kështu që përpiquni të shmangni përdorimin e tij gjersa jeni në tualet”.
Por nëse nuk mendoni se mund të ndaloni përdorimin e telefonit gjatë vizitave tuaja në tualet, eksperti ka një këshillë tjetër.
“Të paktën keni një pecet dezinfektuese përreth për të pastruar telefonin pasi të keni mbaruar punë”, tha ai.
Simptomat e hemorroideve
Simptomat më të zakonshme të hemorroideve përfshijnë:
-Gjak i kuq i ndezur në jashtëqitje, në letër higjienike ose në tualet,
-Dhimbje dhe acarim rreth anusit,
-Ënjtje ose një gungë e fortë rreth anusit,
-Kruajtje në zonën anale.