Rrjeti social X deri më tani ka kufizuar chatbotin e tij të AI Grok (i ndërtuar nga kompania tjetër xAI e Elon Musk), duke e ofruar vetëm me pagesë.
Megjithatë, platforma me sa duket po përgatitet të ofrojë chatbotin edhe falas.
Gjatë fundjavës, disa studiues dhe përdorues të aplikacioneve shkruan rreth një versioni falas të Grok që u vihej në dispozicion njerëzve në rajone të caktuara, përcjell Telegrafi.
TechCrunch ishte në gjendje të konfirmonte që X të paktën po teston qasjen falas në Grok për përdoruesit në Zelandën e Re.
Bëhet e ditur se për të përdorur Grok falas, llogaria juaj duhet të jetë së paku shtatë ditë e vjetër dhe të ketë një numër telefoni të lidhur me të.
Ndryshe, xAI prezantoi Grok-2 në gusht me kapacitetet e gjenerimit të imazhit, të mbështetur nga modeli FLUX.1 i Black Forest Labs.
Në fund të muajit të kaluar, kompania i dha modelit gjithashtu aftësinë për të kuptuar imazhet.
Të gjitha këto veçori ishin të disponueshme vetëm për përdoruesit Premium dhe Premium+ deri më tani.
Duke hapur Grok për përdoruesit pa pagesë, xAI ndoshta po kërkon një bazë më të rëndësishme përdoruesi dhe një cikël më të shpejtë reagimesh për produktet e tij, në mënyrë që të mund të konkurrojë më mirë me modelet e tjera në treg si ChatGPT, Claude dhe Gemini.