Parlamenti i Francës ka miratuar një rezolutë për të përcaktuar zyrtarisht grupin mercenar rus ‘Wagner’ si një organizatë terrorist.
Rezoluta, e cila nuk ka asnjë detyrim ligjor, mori mbështetje unanime nga politikanët në parlament, shkruan Anadolu.
Benjamin Haddad, një deputet nga partia në pushtet, tha se shpreson që rezoluta do të çojë që Bashkimi Evropian ta shtojë grupin rus në listën e saj zyrtare të organizatave terroriste.
Grupi ‘Wagner’, një organizatë ushtarake private me lidhje të vendosura me qeverinë ruse, luan një rol të rëndësishëm në operacionet e Rusisë në Ukrainën lindore, veçanërisht në qytetin Bakhmut.
Udhëheqësi i organizatës, Yevgeny Prigozhin, së fundmi ka kritikuar udhëheqjen ushtarake të Rusisë në qytet.
Javën e kaluar, Prigozhin ngriti shqetësime për mungesat e mundshme të municioneve, duke deklaruar se luftëtarët e tij të vijës së parë mund të tërhiqen nga qyteti.
Ai gjithashtu akuzoi trupat ruse se u larguan nga luftimet rreth qytetit Bakhmut. Pas lëshimit të kërcënimeve, Prigozhin njoftoi se forcat e tij kanë filluar të marrin municione të nevojshme thelbësore.
Sipas raporteve të fundit, grupi gjithashtu ka qenë i përfshirë në mënyrë aktive në konflikte të ndryshme në disa vende në Afrikë dhe Lindjen e Mesme.