Sport

Vlera e Milot Rashicës rritet nga 20 në 35 milionë euro

Sipas portalit “Transfermarkt”, vlera e yllit kosovar është rritur në treg për 15 milionë euro, respektivisht për 75 për qind.

Milot Rashica ishte njëri prej sensacioneve më të mëdha të Bundesligës në dy sezonet e fundit.

Ylli kosovar po shkëlqen në fanellën e Werder Bremenit duke u bërë njëri prej lojtarëve më të mirë të kampionatit gjerman.

Dhe, vlera e futbollistit nga Vushtrria është rritur dukshëm së fundmi.

Në fakt, portali gjerman “Transfermarkt”, i cili merret me vlerësimin e lojtarëve, e ka përmirësuar vlerën në treg të lojtarëve të Bundesligës.

Me këtë rast, lëvizjen më të madhe e pati vlera e kartonit të Rashicës.

Përfaqësuesi kosovar deri tash vlerësohej 20 milionë euro, ndërsa në bazë të vlerës së re, çmimi i tij është 35 milionë euro.