Katër herë kampioni i botës në Formula 1, Sebastian Vettel, ka një simulator në shtëpinë e tij që është bërë nga një veturë e vërtetë F1.
Kur bëhet fjalë për simulimin e garave, realiteti është çelësi. Deri më tani ne kemi parë një numër të instalimeve të shkëlqyera, por ka ende disa që janë po aq mbresëlënëse sa ajo në shtëpinë e Sebastian Vettel. Është një simulator i bërë nga një makinë e vërtetë Aston Martin.
Kabina e simulatorit vjen nga një nga makinat e zhvillimit të AMR21 të vitit të kaluar, dhe duke pasur parasysh që ai është shoferi i Aston Martin, nuk është çudi që Vettel e ka marrë atë. Por ky simulator nuk është vetëm për argëtim, por edhe për stërvitje në një kohë kur gjermani nuk mund të jetë në makinën e tij. Aston Martin bëri gjithçka për ta bërë rig, pra simulatorin sa më realist.
Pjesë e simulatorit është edhe një ndenjëse e vërtetë Vettel e bërë sipas masës, si dhe një shirit koke dhe një rrip sigurie nga viti 2021. Kabina ka pasqyra anësore dhe një sistem Halo.
Kabina është montuar në një kornizë metalike dhe ka tre ekrane përpara Vettel. Kompania Pro Sim u përpoq t’i bënte sa më realiste reagimet mbi timonin dhe gjithashtu kalibronte pedalet. Projekti mori muaj për të punuar dhe rezultati përfundimtar është fantastik.
Edhe pse shumë pilotë të F1 kanë simulatorë në shtëpi, asnjëri prej tyre nuk është bërë nga makina të vërteta F1.
