Deputetët e Kuvendit të Kosovës do të mblidhen përsëri gjatë ditës së sotme.
Në bazë të njoftimit në rend dite të seancës së sotme janë pikat e papërfunduara nga seancat e mëparshme.
Pikat e papërfunduara nga Seanca plenare, e mbajtur më 3 dhe 9 nëntor 2023
1.Votimi në lexim të dytë i Projektligjit nr.08/L-237 për kadastër të pronës së paluajtshme. 2.Miratimi i buxhetit të Komisionit Hetimor Parlamentar në lidhje me rastet e dhunës seksuale dhe dhunës në familje. 3.Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës.
Po ashtu në rënd të ditës janë edhe pikat e papërfunduara nga Seanca plenare, e mbajtur më 23 dhe 30 nëntor.
Vazhdimi i seancës së Kuvendit nis nga ora 12:30.