Vazhdojnë telashet te Portugalia, Ronaldo refuzon të stërvitet me zëvendësuesit

Cristiano Ronaldo ka munguar sot në stërvitjen e Portugalisë, ku dje kundër Zvicrës kanë bërë stërvitjet lojtarët që nuk ishin në formacion.

Në vend të kësaj, portugezi insistoi që menjëherë të fillonte stërvitjen në palestër, ashtu si të gjithë lojtarët e tjerë të ekipit të parë.

Portugalia e demoloi Zvicrën me rezultat 6:1 në fazën e 1/16-tës dhe Ronaldo pjesën më të madhe të ndeshjes e ndoqi nga stoli.

Në vend të tij ndeshjen në krye të sulmit e nisi sulmuesi 21-vjeçar i Benficas, Goncalo Ramos, i cili shënoi tre gola dhe vendosi një.

Siç shkruan “Marca”, Ronaldos nuk i ka pëlqyer që në atë ndeshje ka marrë vetëm 20 minuta, ndaj ka protestuar menjëherë pas ndeshjes, kur ka dalë i pari nga fusha dhe në vend që të festojë me shokët e skuadrës, ka shkuar në dhoma e zhveshjes.