Dje emisari special i Gjermanisë për Ballkanin Perëndimor, Manuel Sarrazin, ka folur në lidhje me respektimin e vendimit të Gjykatës Kushtetuese rreth tokave të Manastirit të Deçanit, të cilin vendim e kishte respektuar Qeveria Kurti, si një hap për anëtarësim në Këshillin e Evropës.
Sipas Sarrazinit, vendimi për dhënien e tokave Manastirit të Deçanit, erdhi shumë vonë.
“Manastiri i Deçanit u vonua shumë. U vonua tepër shumë. Jam fort i sigurt, ky nuk është qëndrim zyrtar i Qeverisë gjermane, nëse do të kryhej gjysmëviti më herët, sot do të ishit në Këshillin e Evropës. U vonua tepër shumë. Qartazi erdhi tepër vonë, prandaj…Dhe unë nuk po them se është e drejtë, se ju duhet të qeshni, se kjo është e drejtë, por kështu e ka jeta” – ka thënë Sarrazin