Trajneri i Lilles Bruno Genesio ka dhënë lëvdata për sulmuesin Edon Zhegrova, mirëpo pret nga ky i fundit të përmirësohet edhe më shumë.
Zhegrova padyshim është bërë idhull për tifozët e Lille, ku shumica e vlerësojnë si lojtari më i mirë në skuadër sidomos me paraqitjet e fundit në Francë dhe Ligën e Kampionëve.
Genesio për “Europe 1” ka treguar se pret nga Zhegrova të shkëlqejë në secilën ndeshje, ku e tëra që i mungon është konsistenca.
“Ai është lojtar i talentuar, i cili është në gjendje ta bëjë dallimin në çdo periudhë të ndeshjes. Kam marrëdhënie të mirë me të dhe mendon se mund të përmirësohet në vazhdimësinë e ndeshjeve të mira”.
“Duhet që të jetë i mirë në çdo ndeshje dhe mendon se mund të përmirësohet në këtë aspekt”.
“Është faktor sepse është në gjendje të shënojë gola të jashtëzakonshëm, ashtu siç ka bërë në kupat evropiane, sidomos në ato të play-offit. Është i dashur për të gjithë dhe është integruar shumë mirë te skuadra e Lille”, nënvizoi tekniku francez.
Zhegrova mund të rikthehet te goli qysh të premten në përballjen që Lille e zhvillon ndaj Brest, në kuadër të Ligue 1.