Humbja e peshës mund të jetë sfiduese. Për fat të mirë, trajneri personal dhe konsulenti i të ushqyerit, Keith McNiven, ka zbuluar një sekret të thjeshtë për humbje të shëndetshme dhe efektive në peshë – ai sugjeron përfshirjen e spinaqit në çdo vakt.
“Spinaqi është i mbushur me vitamina dhe minerale që e bëjnë atë shumë të shëndetshëm dhe është i shkëlqyeshëm për ata që kërkojnë të humbin peshë pasi është shumë ngopës, por me shumë pak kalori”, tha ai për Gloucestershire Live.
Ai shton se spinaqi është gjithashtu i pasur me fibra që kontribuojnë në tretje të shëndetshme. Besohet se redukton stresin oksidativ që mund të dëmtojë qelizat, të kontribuojë në plakje dhe potencialisht të çojë në sëmundje të tilla si diabeti, kanceri dhe sëmundja e Alzheimerit.
Ky superushqim mund të ndihmojë gjithashtu në kontrollin e oreksit të madh dhe të kontribuojë në ndjenjën e ngopjes. Megjithatë, ndërsa McNiven rekomandon shtimin e spinaqit në çdo vakt, ai këshillon që të mos konsumohet më shumë se 60 gram në ditë, shkruan Index.hr, transmeton Klankosova.tv.
“Konsumimi i tepërt i spinaqit mund të parandalojë që trupi juaj të përthithë kalciumin, i cili është i keq, dhe gjithashtu mund të ndërhyjë në disa medikamente sepse është i pasur me vitaminë K. Personat që marrin ilaçe për diabetin dhe ulin presionin e gjakut duhet të jenë veçanërisht të kujdesshëm”, përfundoi trajneri.