Sulmuesi Ivan Toney thotë se nuk është në Arabinë Saudite për ta idollizuar Cristiano Ronaldon, mirëpo për ta mposhtur.
Anglezi u bë lojtari më i fundit që kaloi në Arabinë Saudite, duke iu bashkuar Al Ahlit aty ku janë edhe ish yjet e Premierligës si Roberto Firmino, Riyad Mahrez dhe Edouard Mendy.
Edhe pse nuk e ka nisur më së miri, ku ka shënuar vetëm tre gola në tetë paraqitje, mirëpo anglezi ka synime të qarta. Dëshiron ta mposhtë Ronaldon për gola, si dhe me renditjen në tabelë.
“Gjithnjë i vendosi synime vetës dhe shpresoj se mund t’i arrij. E di që do të më pyesni se cila është, por nuk iu tregoj. Flas vetëm në fundin e sezonit”.
“Shpresoj të luaj mirë dhe të shënoj gola për ta ndihmuar skuadrën dhe t’i fitojmë ndeshjet”.
“Ronaldo? Nuk shoh se çfarë lojtarët e tjerë po bëjnë. Sigurisht, Ronaldo është top lojtar, por jam i koncentruar te vetja dhe çfarë mund të bëj më së miri”.
“Është mirë të luash ndaj këtyre lojtarëve, por nuk jemi këtu për ta idollizuar, mirëpo që ta mposhtim”.
Toney ndër të tjera shpreson ta përmirësojë paraqitjen ën Arabinë Saudite që të garojë për një vend te Anglia, ngase ka pranuar se askush s’i ka thënë se nuk do të përzgjidhet më për “Tre Luanët” nëse shkon në Lindjen e Mesme.