Ministri i Punëve të Brendshme, Xhelal Sveçla, ka deklaruar se pas sulmit të 24 shtatorit, ku u vra polici Afrim Bunjaku, ishte marrë vendim menjëherë për mobilizim të plotë.
Sveçla ka theksuar se ishte i njoftuar menjëherë për sulmin dhe për pasojat e tij, dhe se të gjitha kapacitetet e policisë u aktivizuan për të parandaluar përshkallëzimin e situatës.
“Momentin kur ka ndodhë sulmi në të cilin është vrarë Afrim Bunjaku jam thirr në telefon nga eprori i rajonit dhe jam njoftuar se kemi një sulm i cili ka pasoja të saj, pak a shumë është ditur se Afrimi ka ndërruar jetë, por nuk është ditur për gjendjen e të plagosurve tjerë, dhe ashtu jam njoftuar, do të thotë kemi një të vrarë kemi të paktën një të plagosur që nuk e dinin gjendjen te tij. Realisht këtu ka ndodhur ai momenti që është marrë vendim për mobilizim të plotë. Në Prishtinë isha unë, jo vetëm për të reaguar se ekzistojnë dy qasje reagim por edhe patjetër mobilizim të gjitha kapaciteteve unë mund të ju them lirisht që në atë moment të gjitha kapacitete e Policisë që janë në dispozicion janë mobilizuar për të parandaluar suksesin e këtij skenari”, është shprehur Sveçla.
“Pavarësisht se ka mundur të urdhëroj një patrullë policëve se çfarë është duke ndodhur ai iu ka pri atyre. Edhe pse ligjërisht ka mundur të iu thotë shkoni shihni se çfarë është duke ndodhur, por iu ka thënë ejani me mua të shohim se çfarë po ndodhë. Kjo është cilësia e një lideri dhe heroit i cili pa kurrfarë hezitimi në një ambient terri absolut iu prinë policëve për të kryer detyrën”, ka theksuar ai.
Ministri Sveçla ka mohuar gjithashtu spekulimet për vonesa të Njësive Speciale, duke i cilësuar si të pavërteta.
“Absolutisht nuk janë të vërteta, nuk asnjë të vërtetë këtu. As nuk e di e as nuk më intereson qëllimi i këtyre kuazinfomratave e vërteta është e qartë që prej momentit kur është vërejtur barrikada ka pasur reagim të duhur të njësive të ndryshme të Policisë”, ka deklaruar Sveçla.