Publicisti Veton Surroi ka komentuar aktakuzën e ngritur sot ndaj grupit të Milan Radoiçiqit për rastin e Banjskës.
Ai ka bërë me dije se aktakuza e Prokuroria Speciale është e qëndrueshme.
Në emisionin në “RTK Prime”, ai ka vlerësuar se kjo aktakuzë është ndërtuar mbi bazën e informacioneve të ShBA-së dhe EULEX-it.
“Pra fakti është se kemi të bëjmë me një aktakuzë e cila është ndërtuar sipas informatave të siguruara nga shtetet partnere, kjo jo vetëm që e forcon aktakuzën si të tillë, por tregon një punë të bashkëpunimit, dhe cila ka me pas një domethënie shumë të madhe në proceset politike dhe juridike”, është shprehur Surroi.